మోకాళ్ళ నొప్పులు ఎందుకు వస్తాయి?..

మోకాళ్ళ నొప్పి.. చాలామందిని తరచూ ఇబ్బంది పెట్టే సమస్య. కొన్నిసార్లు ఎక్కువసేపు నిలబడటం లేదా నడవడం వల్ల వస్తే.. మరికొన్ని సందర్భాల్లో శరీరంలో జరుగుతున్న ఇతర మార్పులకు ఇది సంకేతంగా ఉండొచ్చని వైద్యులు చెబుతున్నారు. నొప్పి తీవ్రత, వచ్చే సమయం, నొప్పితో పాటు కనిపించే ఇతర లక్షణాలను బట్టి కారణాన్ని గుర్తించవచ్చని చెబుతున్నారు.

సాధారణంగా ఎక్కువసేపు నడవడం, నిలబడటం, వ్యాయామం చేయడం లేదా ఒక్కసారిగా శారీరక శ్రమ పెంచడం వల్ల కాలి కండరాలపై ఒత్తిడి పెరిగి నొప్పి రావచ్చు. కండరాలు పట్టేయడం కూడా మరో కారణం. శరీరంలో నీరు తగ్గడం, ఎక్కువగా చెమట పట్టడం, ఎలక్ట్రోలైట్లలో మార్పులు, కండరాలపై అధిక శ్రమ వంటి కారణాలతో ముఖ్యంగా రాత్రివేళ కాలి పిక్కల్లో క్రాంప్స్ రావచ్చు.