ఒక్కొక్కరికి రూ.10లక్షలు ఇవ్వాలి- హరీశ్ రావు డిమాండ్

Harish Rao: కర్ణాటక రోడ్డు ప్రమాదంలో మృతి చెందిన వలస కూలీల కుటుంబాలను మాజీ మంత్రి, బీఆర్ఎస్ డిప్యూటీ ఫ్లోర్ లీడర్ హరీష్ రావు పరామర్శించారు. కర్ణాటకలోని యాదగిరి జిల్లాలో రోడ్డు ప్రమాదంలో మృతి చెందిన జోగులాంబ గద్వాల జిల్లా గట్టు మండలం ఇందువాసి గ్రామానికి చెందిన దళిత వలస కూలీల కుటుంబాలతో ఆయన మాట్లాడారు. ప్రమాదం జరిగిన తీరును అడిగి తెలుసుకున్నారు. అనంతరం వారి యోగ క్షేమాలు అడుగుతున్న క్రమంలో కేసీఆర్ సార్ బాగున్నారా సార్ అని బాధితులు హరీష్ రావును అడిగారు.