ప్రేమ వివాహంపై కక్ష.. సినీ ఫక్కీలో కారు ఛేజింగ్, యువతి కిడ్నాప్!

 కర్ణాటక రాజధాని బెంగళూరు నగరంలో ప్రేమ వివాహం చేసుకుందన్న ఆక్రోశంతో ఓ యువతిని ఆమె కుటుంబ సభ్యులే సినీ ఫక్కీలో కిడ్నాప్ చేయడం తీవ్ర సంచలనం సృష్టించింది. రాజస్థాన్‌కు చెందిన పూజ(21), ఓం ప్రకాశ్ (23) కులాంతర వివాహం చేసుకుని బెంగళూరులోని అగ్రహార దాసనహళ్లిలో నివాసముంటున్నారు. ఈ పెళ్లిని అంగీకరించని యువతి కుటుంబీకులు ఆమెను తిరిగి తీసుకువెళ్లేందుకు నలుగురు వ్యక్తులను రాజస్థాన్ నుంచి బెంగళూరుకు పంపగా, బుధవారం రాత్రి వారు యువతి ఇంట్లోకి చొరబడి బలవంతంగా కారులో ఎక్కించుకుని పరారయ్యారు.