GPSAP-2026: దేశంలోనే తొలిసారి.. తెలంగాణ సర్కార్ వినూత్న ప్రయోగం!

తెలంగాణ రాష్ట్రంలోని ప్రతి పల్లెను ప్రణాళికాబద్ధంగా అభివృద్ధి చేసే దిశగా రేవంత్ రెడ్డి సర్కార్ మరో చారిత్రాత్మక నిర్ణయం తీసుకుంది. దేశంలోనే తొలిసారిగా రాష్ట్రంలోని ప్రతి గ్రామపంచాయతీకి 'గ్రామపంచాయతీ సమగ్ర అభివృద్ధి ప్రణాళిక' (GPSAP-2026) రూపకల్పనకు శ్రీకారం చుట్టింది. పంచాయతీ రాజ్, గ్రామీణాభివృద్ధి శాఖ మంత్రి సీతక్క ఆలోచనలు, ఆదేశాల మేరకు రూపొందించిన ఈ ప్రతిష్టాత్మక విధానానికి సంబంధించి రాష్ట్ర పంచాయతీ రాజ్ శాఖ అధికారికంగా ఉత్తర్వులు జారీ చేసింది. రాబోయే ఐదేళ్ల కాలంలో గ్రామాల్లో చేపట్టాల్సిన మౌలిక సదుపాయాలు, అభివృద్ధి పనులకు ఈ ప్రణాళిక ఒక స్పష్టమైన దిక్సూచిలా పనిచేయనుంది.