ఎల్బీ స్టేడియంలో జీహెచ్ఎంసీ కార్మికుల బంధీ.. తిండి, నీళ్లు లేక బాధితుల ఆవేదన!

 జీహెచ్‌ఎంసీ పరిధిలో చెత్త సేకరణ బాధ్యతలను 'రాంకీ' అనే ప్రైవేట్ సంస్థకు అప్పగించడాన్ని నిరసిస్తూ ఆందోళన బాట పట్టిన స్వచ్ఛ ఆటో, చెత్త సేకరణ కార్మికులను పోలీసులు అరెస్ట్ చేసి నగరంలోని ఎల్బీ స్టేడియంలో బంధించడం తీవ్ర కలకలం రేపింది. తమ ఉపాధిని దెబ్బతీసేలా ప్రభుత్వం నిర్ణయం తీసుకుందని మండిపడుతూ కార్మికులు ఆందోళనకు దిగగా, వారిని బలవంతంగా అదుపులోకి తీసుకుని స్టేడియం ప్రాంగణానికి తరలించారు. ఈ అనూహ్య చర్యతో నగరంలో జీహెచ్‌ఎంసీ శానిటేషన్ విభాగానికి చెందిన ప్రైవేట్, ఒప్పంద కార్మికులు తీవ్ర ఆగ్రహం వ్యక్తం చేశారు.