Telangana Politics: అడవిని వదిలి అసెంబ్లీ వైపు.. తెలంగాణలో మాజీ మావోయిస్టుల కొత్త పార్టీ!

తెలంగాణ గడ్డపై మరో రాజకీయ సంచలనానికి తెరలేస్తోంది. దశాబ్దాల పాటు దండకారణ్యంలో తుపాకీ చేతబట్టి రాజ్యాధికారం కోసం నెత్తురోడ్చిన విప్లవ దళాలు.. ఇప్పుడు తమ వ్యూహాన్ని మార్చాయి. తూటాల గర్జనతో రాని మార్పును.. ప్రజాస్వామ్య పద్ధతిలో బ్యాలెట్ బాక్సుల ద్వారా సాధించేందుకు పావులు కదుపుతున్నాయి. నక్సలైట్ ఉద్యమాలకు చారిత్రక కేంద్ర బిందువైన ఉమ్మడి వరంగల్ నేలను అడ్డాగా చేసుకుని సరికొత్త రాజకీయ పార్టీ ఏర్పాటుకు మాజీ మావోయిస్టుల అగ్ర నాయకత్వం కసరత్తు పూర్తి చేసినట్లు సమాచారం.