పండగల సందడి.. పాఠశాల విద్యార్థులకు 13 రోజుల సెలవులు!

 విద్యార్థులకు నవంబర్ నెల అత్యంత పండుగ సందడిని, ఆనందాన్ని మోసుకొస్తోంది. ఈ నెలలో వరుసగా రానున్న దీపావళి, గోవర్ధన్ పూజ, భాయ్ దూజ్, ఛత్ పూజ, గురునానక్ జయంతి పండగలతో పాటు సాధారణ ఆదివారాలు కూడా కలిసి రావడంతో వివిధ రాష్ట్రాల్లోని పాఠశాలలకు 8 నుంచి గరిష్ఠంగా 13 రోజుల వరకు సెలవులు లభించే అవకాశం ఉంది. అయితే దేశవ్యాప్తంగా ఉన్న పాఠశాలలన్నింటికీ ఈ సెలవుల సంఖ్య ఒకే విధంగా ఉండదని, ఆయా రాష్ట్ర ప్రభుత్వాలు, విద్యాశాఖలు జారీ చేసే అధికారిక ఉత్తర్వుల ఆధారంగానే పండగ సెలవుల క్యాలెండర్ మారుతుందని అధికారులు వెల్లడించారు.