కాంగ్రెస్ పాలనలో రైతులు కన్నీళ్లు పెట్టుకుంటున్నారు

Harish Rao: కాంగ్రెస్ ప్రభుత్వంపై నిప్పులు చెరిగారు మాజీమంత్రి హరీశ్ రావు. కాంగ్రెస్ పాలనలో రైతులు కన్నీళ్లు పెడుతున్నారని ఆవేదన వ్యక్తం చేశారు. రైతులను ఆదుకోవాల్సిన ప్రభుత్వం.. రైతుల పాలిట శాపంగా మారిందని ధ్వజమెత్తారు. రేవంత్ సర్కార్ రైతులపై కక్ష కట్టిందన్నారు. కృష్ణా, గోదావరి నదుల్లో నీళ్లు ఉన్నా ఎత్తలేదని.. ఉన్న మంజీరాను ఖాళీ చేసి.. రైతులపై పగబట్టినట్లు రేవంత్ సర్కార్ వ్యవహరిస్తోందన్నారు. మహారాష్ట్ర ప్రభుత్వంతో అపాయింట్ మెంట్ కే రేవంత్ కు మూడేళ్లు పట్టిందని.. వాళ్లు అనుమతి ఇచ్చేది ఎప్పుడు, మీరు తమ్మిడిహట్టి కట్టేది ఎప్పుడు? అని హరీశ్ రావు ప్రశ్నించారు.