ఎమ్మెల్యే బీర్ల ఐలయ్యకు రైతన్నల నిరసన సెగ

Beerla Ilaiah: ప్రభుత్వ విప్, ఆలేరు ఎమ్మెల్యే బీర్ల ఐలయ్యకు రైతన్నల నుంచి నిరసన సెగ ఎదురైంది. ధాన్యం కొనుగోలులో ప్రభుత్వం జాప్యం చేస్తోందని రైతులు ఆరోపించారు. ఆలేరు వ్యవసాయ మార్కెట్ యార్డులో గత ప్రభుత్వం నిర్మించిన గోదామును ప్రారంభించేందుకు వచ్చిన బీర్ల ఐలయ్యను రైతులు గట్టిగా నిలదీశారు. 20 రోజులుగా వడ్లు తడుస్తూ, ఎండుతూ ఉన్నా కొనుగోలు చేయడం లేదని ఆవేదన వ్యక్తం చేశారు. వడ్లు ఎందుకు కొనడం లేదంటూ బీర్ల ఐలయ్యను వారు ప్రశ్నించారు. ఎప్పటినుంచి ధాన్యం కొనుగోలు చేస్తారో చెప్పాలని డిమాండ్ చేశారు.