జూరాల జలాలు తెలంగాణ రైతులకే చెందాలి

Jurala Water: తెలంగాణ రైతులను ఆగం చేయొద్దని మాజీ మంత్రి నిరంజన్ రెడ్డి రేవంత్ సర్కార్ కు విజ్ఞప్తి చేశారు. జూరాల జలాలు తెలంగాణ రైతులకే చెందాలని ఆయన డిమాండ్ చేశారు. తాగునీటికి 2 టీఎంసీలు పోను.. మిగతా నీటిని సాగుకు కేటాయించాలని ప్రభుత్వాన్ని కోరారు. కాగా, జూరాల ప్రాజెక్ట్ దగ్గర ధర్నాకు వెళ్లకుండా మాజీమంత్రి నిరంజన్‌ రెడ్డిని పోలీసులు వనపర్తిలో గృహ నిర్బంధం చేశారు.

జూరాల ప్రాజెక్టులో నీటి లభ్యత ఉన్నప్పటికీ పాలమూరు రైతులకు సాగునీరు అందించడంలో కాంగ్రెస్ ప్రభుత్వం నిర్లక్ష్యం చేస్తోందని సింగిరెడ్డి నిరంజన్‌రెడ్డి ఆరోపించారు. జూరాల ముట్టడికి వెళ్లకుండా తనను వ్యవసాయ క్షేత్రంలోనే పోలీసులు నిర్బంధించారని, అక్కడి నుంచి వనపర్తిలోని తన నివాసానికి తరలించి గృహ నిర్బంధం చేశారని తెలిపారు. రైతు సమస్యలపై పోరాడుతున్న నాయకులను అరెస్ట్ చేయడం సరికాదన్నారు.