క్షుద్రపూజల ఆరోపణలపై కోర్టుకెక్కిన హరీశ్ రావు

Harish Rao: తనపై వచ్చిన క్షుద్రపూజల ఆరోపణలపై మాజీ మంత్రి, బీఆర్ఎస్ ఎల్పీ డిప్యూటీ ఫ్లోర్ లీడర్ హరీశ్ రావు హరీశ్ రావు కోర్టుకెక్కారు. తాను క్షుద్రపూజలు చేశానంటూ ఆరోపణలు చేసిన టీపీసీసీ చీఫ్ మహేశ్ కుమార్ గౌడ్, ప్రభుత్వ విప్ అద్దంకి దయాకర్‌ పై నాంపల్లి కోర్టులో పరువు నష్టం దావా దాఖలు చేశానని, కేసు కూడా ఫైల్ చేశానని హరీశ్ తెలిపారు. పరువు నష్టం దావా కేసు ఆధారాలతో సహా ఫైల్ చేసినట్లు పేర్కొన్నారు. నాంపల్లి ప్రజా ప్రతినిధుల కోర్టు తన పిటిషన్ ను స్వీకరించిందని, వచ్చే బుధవారం తన స్టేట్ మెంట్ ను రికార్డ్ చేయనున్నట్లు హరీశ్ రావు వెల్లడించారు. తాను క్షుద్రపూజలు చేసినట్లు మహేష్ కుమార్ గౌడ్, అద్దంకి దయాకర్ అసత్య ప్రచారం చేస్తున్నారని హరీశ్ రావు ఆరోపించారు. వారిపై లీగల్ గా ముందుకెళ్తున్నామన్నారు.