గోదావరి జలాలను లిఫ్ట్ చేసి రిజర్వాయర్లు నింపండి

Harish Rao: గోదావరి జలాలపై మాజీ మంత్రి హరీశ్ రావు రాష్ట్ర నీటిపారుదల శాఖ మంత్రి ఉత్తమ్ కుమార్ రెడ్డికి లేఖ రాశారు. గోదావరిలో వరద పోతున్నా, కాంగ్రెస్ ప్రభుత్వ నిర్లక్ష్యంతో రిజర్వాయర్లు అడుగంటిపోతున్నాయని హరీశ్ రావు ఆవేదన వ్యక్తం చేశారు. ప్రాజెక్టుల మీద రాజకీయాలు చేస్తూ రైతుల పంటలను కాంగ్రెస్ ప్రభుత్వం ఎండగొడుతోందని మండిపడ్డారు. గోదావరి జలాలను తక్షణమే లిఫ్ట్ చేసి రిజర్వాయర్లను నింపాలంటూ మంత్రి ఉత్తమ్ కు లేఖ ద్వారా విజ్ఞప్తి చేశారు హరీశ్ రావు. ఎల్లంపల్లి వద్ద భారీ వరద ఉన్నా మోటార్లు ఆన్ చేసి నీటిని ఎత్తిపోయకపోవడం ముమ్మాటికీ ప్రభుత్వ వైఫల్యమే అని హరీశ్ రావు మండిపడ్డారు.