కేసీఆర్ మార్కు చెరిపేసే ప్రయత్నం వికటించిందా? కళ తప్పిన స్కిల్స్ యూనివర్సిటీ..!

 తెలంగాణలో కాంగ్రెస్ ప్రభుత్వం ఎంతో ఆర్భాటంగా, ప్రతిష్టాత్మకంగా ప్రారంభించిన 'యంగ్ ఇండియా స్కిల్స్ యూనివర్సిటీ' (YISU) ఆశించిన స్థాయిలో ఫలితాలు సాధించలేకపోయిందనే విమర్శలు వెల్లువెత్తుతున్నాయి. గత బీఆర్ఎస్ ప్రభుత్వ హయాంలో విజయవంతంగా నడిచిన 'తెలంగాణ అకాడమీ ఫర్ స్కిల్ అండ్ నాలెడ్జ్' (TASK) సంస్థను పక్కనపెట్టి, భారీ బడ్జెట్ వెచ్చించి తీసుకొచ్చిన ఈ కొత్త విశ్వవిద్యాలయం రెండేళ్ల కాలంలో కేవలం 1,000 మందికి మాత్రమే నైపుణ్య శిక్షణ అందించడం తీవ్ర చర్చనీయాంశంగా మారింది. కేసీఆర్ ఆనవాళ్లను చెరిపేసే క్రమంలోనే కాంగ్రెస్ సర్కార్ ఈ విఫల ప్రయోగానికి తెరలేపిందని విపక్షాలు ధ్వజమెత్తుతున్నాయి.