ధనుష్ మాస్టర్ ప్లాన్.. తమిళనాట 3,000 మంది లాయర్లతో కొత్త వ్యూహం!

 తమిళ సినీ పరిశ్రమ నుంచి మరో ప్రముఖ కథానాయకుడు రాజకీయాల్లోకి అడుగుపెట్టబోతున్నారా? అంటే అవుననే సమాధానమే వినిపిస్తోంది. ప్రముఖ నటుడు ధనుష్ రాజకీయ అరంగేట్రంపై గత కొంతకాలంగా సాగుతున్న ప్రచారానికి బలం చేకూరుస్తూ ఆయన అభిమాన సంఘం సంచలన వ్యూహాలను అమలు చేస్తోంది. ఇటీవల తన అభిమాన సంఘాన్ని ‘ధనుష్ నర్పణి ఇయక్కం’ (ధనుష్ సంక్షేమ ఉద్యమం)గా మార్చి కొత్త జెండాను ఆవిష్కరించిన ఆయన, తాజాగా తమిళనాడంతటా 3,000 మంది న్యాయ సలహాదారులను నియమించేందుకు భారీ ప్రణాళికలు రచిస్తున్నట్లు తమిళ మీడియాలో వార్తలు హల్‌చల్ చేస్తున్నాయి.