ట్యాంకర్ నీళ్లే దిక్కు.. సాగునీటి ఎద్దడితో అన్నదాత కుదేలు!

తెలంగాణ వ్యాప్తంగా సాగునీటి ఎద్దడి, భూగర్భ జలాలు ఇంకిపోవడం, విద్యుత్ సరఫరాలో తలెత్తుతున్న అంతరాయాల కారణంగా వరి పంటలు ఎండిపోయే ప్రమాదంలో పడ్డాయి. చేతికొచ్చిన పంట కళ్లముందే మాడిపోతుంటే తట్టుకోలేక హన్మకొండ జిల్లా హసన్‌పర్తి మండలం అనంతసాగర్ గ్రామానికి చెందిన ఓ రైతు అసాధారణ రీతిలో పోరాడుతున్నాడు. తన ఎనిమిది ఎకరాల వరి పంటను దక్కించుకునేందుకు నీటి ట్యాంకర్ల ద్వారా పొలానికి నీరు అందిస్తూ పంటను తడిపే ప్రయత్నం చేస్తున్నారు.