మూడు నెలల రేషన్ కోటా.. నేటితో గడువు ముగింపు

రేషన్ కార్డు లబ్దిదారులకు ముఖ్యగమనిక. ఎవరైతే మూడు నెలల రేషన్ కోటా తీసుకోలేదో త్వరగా తీసుకోవాలని రాష్ట్ర పౌరసరఫరాల శాఖ పేర్కొంది. ఎందుకంటే ఈ కోటా పంపిణీకి నేటి సాయంత్రంతో గడువు ముగియనుంది.ఆగస్టు, సెప్టెంబర్, అక్టోబర్ నెలలకు సంబంధించి కోటా మొత్తాన్ని ప్రభుత్వం గత నెల పంపిణీ చేసిన విషయం తెలిసిందే. కొందరు లబ్దిదారులు రేషన్ తీసుకోలేదని తెలిసి ఈనెల 5 వరకు పంపిణీ గడువు తేదీని పొడగించింది. కాగా,నేటి సాయంత్రం గడువు ముగియనుంది. రేషన్ తీసుకోనివారు వెంటనే వెళ్లితీసుకోవాలని లేదంటే మళ్లీ నవంబర్ నెలలోనే రేషన్ బియ్యం ఇవ్వనున్నట్టు ప్రకటించింది.