టీజీ-ఐపాస్‌పై సైబర్ దాడి.. స్తంభించిన పారిశ్రామిక అనుమతుల సేవలు!

తెలంగాణ ప్రభుత్వానికి చెందిన అత్యంత కీలకమైన పారిశ్రామిక సింగిల్ విండో అనుమతుల పోర్టల్ 'టీజీ-ఐపాస్' (TG-iPASS) సైబర్ దాడికి గురైంది. రాష్ట్రంలో పరిశ్రమల స్థాపనకు అవసరమైన అనుమతులను సులభతరంగా అందించే ఈ 'గవర్న్‌మెంట్ టు బిజినెస్' (G2B) ప్లాట్‌ఫారమ్ సర్వర్‌ను సైబర్ నేరగాళ్లు తమ ఆధీనంలోకి తీసుకున్నారు. డేటాబేస్‌ను పూర్తిగా ఎన్‌క్రిప్ట్ (Encrypt) చేయడంతో పోర్టల్ సేవలు ఎక్కడికక్కడ నిలిచిపోయాయి. ఈ ఘటనపై 'తెలంగాణ సైబర్ సెక్యూరిటీ బ్యూరో' (TGCSB) సుమోటోగా కేసు నమోదు చేసి విస్తృత దర్యాప్తు ప్రారంభించింది.