ఢిల్లీలో మరో ‘నిర్భయ’ ఘటన..కదిలే టెంపోలో గ్యాంగ్ రేప్!

దేశరాజధానిలో ఢిల్లీలో మరో దారుణం చోటుచేసుకుంది. అత్యంత కట్టుదిట్టమైన భద్రత ఉండే ఢిల్లీ పరిసరాల్లో మరో బాలికపై సామూహిక అత్యాచారానికి పాల్పడటంతో పాటు హత్య చేశారు దుండగులు. ఇటీవలే కదిలే బస్సులో ఓ మైనర్‌పై డ్రైవర్, కండక్టర్ దారుణానికి పాల్పడిన విషయం తెలిసిందే. ఈ ఘటనలో బాధితురాలు ప్రాణాలతో బయటపడింది. తాజా ఘటన మాత్రం అందుకు భిన్నం..కదులుతున్న టెంపోలో 17 ఏళ్ల బాలికపై గ్యాంగ్ రేప్ జరిగినట్టు సమాచారం. అత్యాచారం చేసిన అనంతరం బాధితురాలిని చంపేసి, శవాన్ని పొలాల్లో విసిరేసినట్టు తెలిసింది. నలుగురు నిందితులు ఈ దారుణానికి పాల్పడగా.. అందులో ముగ్గురు మైనర్లు ఉన్నట్టు తెలిసింది. నిందితులంతా బాధితురాలికి పరిచయస్తులే కావడం గమనార్హం.