సమరశంఖం పూరించిన సీపీఎస్ ఉద్యోగులు.. నవంబర్ 17న సామూహిక సెలవు

CPS Employs: రాష్ట్ర ప్రభుత్వ ఉద్యోగ, ఉపాధ్యాయ వర్గాల్లో అత్యధిక సంఖ్యలో ఉన్న కాంట్రిబ్యూటరీ పెన్షన్ స్కీమ్ (CPS) ఉద్యోగులు తమ చిరకాల ఆకాంక్ష అయిన పాత పెన్షన్ విధానం (OPS) పునరుద్ధరణ కోసం మరోసారి సమరశంఖం పూరించారు. రాష్ట్రంలోని మొత్తం 3.6 లక్షల మంది ప్రభుత్వ ఉద్యోగుల్లో మెజారిటీగా ఉన్న సుమారు 2.6 లక్షల నుంచి 2.80 లక్షల మంది సీపీఎస్ ఉద్యోగ, ఉపాధ్యాయులు గత 22 ఏళ్లుగా పెన్షన్ భద్రత లేక తీవ్ర ఆందోళనలో కొట్టుమిట్టాడుతున్నారు. సెప్టెంబర్ 1, 2004 తర్వాత నియమితులైన ఉద్యోగులకు పాత పెన్షన్ విధానాన్ని రద్దు చేసి సీపీఎస్‌ను అమలులోకి తెచ్చిన నాటి నుంచి సామాజిక భద్రత ప్రశ్నార్థకంగా మారింది.