CPI: రైతులకు తక్షణమే కరువు సాయం అందించాలి- పల్లా వెంకటరెడ్డి డిమాండ్

CPI: మునుగోడు మండలంలోని చల్మడ గ్రామంలో సీపీఐ పార్టీ కరువు యాత్రను నిర్వహించింది. ఈ కార్యక్రమంలో సీపీఐ జాతీయ కార్యదర్శి పల్లా వెంకటరెడ్డి, సీపీఐ రాష్ట్ర కార్యవర్గ సభ్యుడు, ఎమ్మెల్సీ నెల్లికంటి సత్యం పాల్గొన్నారు. పంటలను పరిశీలించారు. రైతులతో మాట్లాడారు. అక్కడ నెలకొన్న కరువు పరిస్థితులు, నష్టాల గురించి అడిగి తెలుసుకున్నారు. ఈ సందర్భంగా పత్తి, వరి సాగు చేసిన రైతులకు అపార నష్టం కలిగినట్లు గుర్తించారు. రైతుల గోడు విని తీవ్ర ఆవేదన చెందారు పల్లా వెంకటరెడ్డి. పంట నష్టపోయిన రైతులకు తక్షణమే కరువు సాయం అందించాలని ప్రభుత్వాన్ని డిమాండ్ చేశారు.