ఆర్టీసీ భూముల్లో ఇందిరమ్మ ఇళ్ల నిర్మాణం.. ప్రభుత్వ నిర్ణయంపై వివాదం!

హైదరాబాద్‌లోని ఆర్టీసీ క్రాస్ రోడ్స్ వద్ద బస్ భవన్ సమీపంలో ఉన్న అత్యంత కీలకమైన ఆరున్నర ఎకరాల ఆర్టీసీ భూమిని స్వాధీనం చేసుకోవాలని తెలంగాణ ప్రభుత్వం నిర్ణయించింది. ఈ విలువైన ప్రాంగణంలో నిరుపేదల కోసం 'ఇందిరమ్మ ఇండ్లు' నిర్మించాలని సర్కారు ప్రణాళికలు సిద్ధం చేసింది. గతంలో హైదరాబాద్-3 డిపోగా సేవలందించిన ఈ స్థలాన్ని, ప్రస్తుతం ఆర్టీసీ సంస్థ తమ నూతన బస్సుల ఛాసీ(బస్సు బాడీని మోసే కింది భాగంలోని ప్రధాన ఫ్రేమ్‌)లను నిలిపే యార్డుగా ఉపయోగిస్తోంది.