National
దేశాన్ని విచ్ఛిన్నం చేసేందుకు కుట్రలు.. మోహన్ భగవత్ సంచలన వ్యాఖ్యలు!
నేటి ఆధునిక సమాజంలో విపరీతంగా పెరుగుతున్న సామాజిక మాధ్యమాల వినియోగంపై రాష్ట్రీయ స్వయంసేవక్ సంఘ్ (RSS) అధినేత మోహన్ భగవత్ తీవ్ర ఆందోళన వ్యక్తం చేశారు. ఫేస్బుక్, ఇన్స్టాగ్రామ్ వంటి సోషల్ మీడియా వేదికలు కూడా ఒకరకమైన వ్యసనమేనని, అన్ని రకాల వ్యసనాల మాదిరిగానే ఇది కూడా వ్యక్తిగత, సామాజిక చైతన్యాన్ని దెబ్బతీస్తుందని ఆయన హెచ్చరించారు. రాజస్థాన్లోని జోధ్పూర్ సమీపం షికార్పురాలోని శ్రీ రాజారామ్ ఆశ్రమంలో నిర్వహించిన 'మారు నినాద్-2026' ఘోష్ శివిర్ ముగింపు వేడుకల్లో ఆదివారం ఆయన ప్రసంగిస్తూ ఈ కీలక వ్యాఖ్యలు చేశారు.
