కాళేశ్వరంపై కాంగ్రెస్ ‘దుష్ప్రచారం’ పటాపంచలు.. రేవంత్ సర్కార్‌పై హరీశ్ రావు ధ్వజం!

కాళేశ్వరం ఎత్తిపోతల పథకం పూర్తిగా కుప్పకూలిందని, నీటిని ఎత్తలేమంటూ కాంగ్రెస్ ప్రభుత్వం చేసిన ప్రచారం అబద్ధమని ఎన్డీఎస్‌ఏ (NDSA) అఫిడవిట్, సీడబ్ల్యూపీఆర్‌ఎస్ (CWPRS) నివేదికల ద్వారా స్పష్టమైందని బీఆర్ఎస్ జాతీయ నాయకుడు, మాజీ మంత్రి తన్నీరు హరీశ్ రావు ఎక్స్(ట్విట్టర్) వేదికగా ఆరోపించారు. అవసరాన్ని బట్టి కాళేశ్వరం నుంచి నీటిని ఎత్తిపోయవచ్చని స్వయంగా ఎన్డీఎస్‌ఏ స్పష్టం చేయడంతో పాటు, అన్నారం, సుందిళ్ల బ్యారేజీలలోని ఏ బ్లాక్‌లోనూ ఎలాంటి నిర్మాణపరమైన లోపాలు లేవని, కాంక్రీట్ నాణ్యత బాగుందని సీడబ్ల్యూపీఆర్‌ఎస్ తేల్చిచెప్పినట్లు ఆయన తెలిపారు.