జన్వాడ ఫాంహౌస్ నాలాపై కట్టారు, ఎలాంటి అనుమతులు లేవు

KTR Janwada Farmhouse: కాంగ్రెస్ ప్రజాప్రతినిధుల బృందం జన్వాడ ఫాంహౌస్‌కు వెళ్లింది. ఫాంహౌస్ దగ్గర భూములను పరిశీలించింది. బీఆర్ఎస్ నేతల భూ అక్రమాల గురించి ప్రజలకు తెలియజేయడానికి తామంతా జన్వాడ ఫాంహౌస్ కు వచ్చామని ప్రజాప్రతినిధుల బృందం తెలిపింది. ప్రభుత్వ భూములను ఎంత మేరకు ఆక్రమించుకున్నారో చూశామని కాంగ్రెస్ నేతలు వెల్లడించారు. జన్వాడ ఫాంహౌస్ నాలాపై కట్టారని మల్లు రవి ఆరోపించారు. ఫాంహౌస్ నిర్మాణానికి ఎలాంటి అనుమతులు లేవన్నారాయన. అసలు ఫామ్ హౌస్ ఎవరి పేరు మీద ఉందో స్పష్టత లేదని చెప్పారు.