కొండా సురేఖ, చిన్నారెడ్డిపై వేటు.. ఆ ముగ్గురు మహిళలకు కీలక పదవులు

Konda Surekha: కొండా సురేఖ ఎపిసోడ్ లో ఢిల్లీ కేంద్రంగా రెండు రోజుల పాటు చోటు చేసుకున్న నాటకీయ పరిణామాలకు కాంగ్రెస్ హైకమాండ్ తెరదించింది. కొండా సురేఖతో పాటు చిన్నారెడ్డిపై చర్యలు తీసుకుంది. వారిద్దరిపై వేటు వేసింది. తద్వారా నాటకీయ పరిణామాలకు తెరదించింది. మంత్రి పదవికి రాజీనామా చేయాలని హైకమాండ్ కోరినా.. అందుకు కొండా సురేఖ ససేమిరా అన్నారు. దాంతో ఆమెను బర్తరఫ్ చేస్తూ హైకమాండ్ నిర్ణయం తీసుకుంది. పార్టీ అధిష్టానం నుంచి గ్రీన్ సిగ్నల్ రావడంతో వెంటనే కొండా సురేఖను క్యాబినెట్ నుంచి బర్తరఫ్ చేయాలంటూ గవర్నర్ కు లేఖ పంపారు ముఖ్యమంత్రి రేవంత్ రెడ్డి.

మరోవైపు చిన్నారెడ్డిపైనా వేటు వేసింది కాంగ్రెస్ హైకమాండ్. తెలంగాణ ప్రణాళికా బోర్డు ఉపాధ్యక్షుడిగా చిన్నారెడ్డిని తొలగించింది. ఈ ఇద్దరి పై వేటు వేసి.. ముగ్గురు బీసీ మహిళలకు కీలక పదవులు ఇచ్చింది రేవంత్ ప్రభుత్వం. చిన్నారెడ్డి స్థానంలో జీహెచ్ఎంసీ మాజీ మేయర్ గద్వాల విజయలక్ష్మిని నియమించింది. రాష్ట్ర మహిళా కమిషన్ చైర్ పర్సన్ గా నేరెళ్ల శారదను, కాకతీయ అర్బన్ డెవలప్ మెంట్ అథారిటీ(KUDA) చైర్ పర్సన్ గా మాజీ రాజ్యసభ ఎంపీ గుండు సుధారాణిని అపాయింట్ చేసింది ప్రభుత్వం.