CJP: అనుభవలేమా? ప్లాన్-బి లేదా? సిజేపీకి దిక్కుతోచని స్థితి!

CJP: దేశవ్యాప్తంగా నీట్ ఆందోళనలతో యువతను ఏకం చేసి, సరికొత్త సంచలనంగా మారిన 'కాక్రోచ్ జనతా పార్టీ' (సీజేపీ)కి అసలు సిసలైన రాజకీయ వాస్తవాలు ఇప్పుడు బోధపడుతున్నాయి. సోషల్ మీడియాలో పోస్టులు పెట్టి ట్రెండ్ చేయడం వేరు.. వ్యవస్థలను ఎదుర్కొంటూ గ్రౌండ్‌లో నిలబడి పోరాటం నడపడం వేరన్న పచ్చి నిజాన్ని ఆ పార్టీ నాయకత్వం ఆలస్యంగా గుర్తించింది. చీఫ్ ఎలక్షన్ కమిషనర్ (సీఈసీ) జ్ఞానేష్ కుమార్‌కు వ్యతిరేకంగా ఢిల్లీ జంతర్‌మంతర్ వేదికగా చేపట్టిన రెండో విడత ఆందోళనల్లో ఆ పార్టీ వేసిన తప్పటడుగులు, వ్యూహాత్మక లోపాలు ఇప్పుడు ఉద్యమాన్నే డైలమాలో పడేశాయి.