‘బంగారం’ ఇచ్చేందుకు సిద్ధమైన సీఎం విజయ్

తమిళ రాజకీయాల్లో సంచలనం సృష్టించిన సీఎం విజయ్.. ఎన్నికలకు ముందు ప్రజలకు ఇచ్చిన హామీలు అమలు చేసేందుకు రంగం సిద్ధం చేశారు. ఈ క్రమంలోనే ప్రభుత్వ ఆసుపత్రుల్లో జన్మించిన శిశువులకు ‘బంగారు’ ఉంగరం అందించే కార్యక్రమాన్ని రెడీ చేయాలని అధికారులను ఆదేశించినట్టు తెలుస్తోంది. ప్రభుత్వ ఆసుపత్రుల్లో జన్మించిన అర్హులైన శిశువులందరికీ "తాయిమామన్ తంగ మోతిర తిట్టం" పేరిట ఒక్క గ్రాము బంగారు ఉంగరం అందించాలని టీవీకే ప్రభుత్వం నిర్ణయం తీసుకోగా.. మాజీ ముఖ్యమంత్రి సి.ఎన్.అన్నాదురై జయంతి సందర్భంగా ఈ పథకాన్ని ప్రారంభించనున్నట్టు తెలుస్తోంది. అయితే, బంగారం ధర మినహా తయారీ, రవాణా, ఇన్సూరెన్స్ అన్నింటికీ కేవలం ఒక్క పైసా మాత్రమే కోట్ చేసి జోస్ అలుక్కాస్ జువెలరీ సంస్థ టెండర్ దక్కించుకున్నట్టు సమాచారం.