భూములు కొల్లగొట్టేందుకే.. నిషేధిత జాబితా నుంచి తొలగించాలంటున్నారు

Cm Revanth: 22ఏ నిషేధిత భూముల అంశంపై సీఎం రేవంత్ రెడ్డి అసెంబ్లీలో సమాధానం ఇచ్చారు. గత బీఆర్ఎస్ ప్రభుత్వంపై నిప్పులు చెరిగారు. గత ప్రభుత్వంలో ధరణితో భూదందాకు తెరలేపారని సీఎం రేవంత్ ఆరోపించారు. 2.50 కోట్ల ఎకరాల భూముల డేటా విదేశీ మాఫియా (కేమెన్ ఐల్యాండ్స్) చేతిలోకి వెళ్లిపోయిందని సంచలన ఆరోపణలు చేశారు.

పేదల గురించి మాట్లాడే హక్కు బీఆర్ఎస్ నేతలకు లేదన్నారు సీఎం రేవంత్. సభలో కేసీఆర్ కూర్చుంటే ఆయన ముందే అన్ని ఆధారాలు బయట పెడతామని చెప్పారు. వారు చేసిన అక్రమాలను బయటపెడతామనే బీఆర్ఎస్ సభ్యులు గందరగోళం సృష్టించి సభ నుంచి పారిపోయారని సీఎం రేవంత్ విమర్శించారు. కేసీఆర్ సభకు వస్తారని అనుకోవడం లేదన్నారు.