ఆసుపత్రుల నిర్మాణం త్వరగా పూర్తి చేయండి..

Cm Revanth: విద్య, వైద్యం రంగాలపై సీఎం రేవంత్ రెడ్డి కీలక సమీక్ష నిర్వహించారు. నిర్మాణంలో ఉన్న ప్రధాన ఆసుపత్రుల పురోగతిపై ఆరా తీశారు. ఆసుపత్రుల నిర్మాణ పనుల్లో వేగం పెంచాలని సంబంధిత అధికారులను ఆదేశించారు. ఎల్బీనగర్, అల్వాల్, వరంగల్ తో పాటు ఉస్మానియా ఆసుపత్రి నిర్మాణ పనుల్లో వేగం పెంచాలన్నారు. నిర్ణీత సమయంలో పనులు పూర్తయ్యేలా నిరంతరం పర్యవేక్షించాలని అధికారులతో చెప్పారు. శనివారం సీఎంవో ఉన్నతాధికారులతో సమీక్ష నిర్వహించిన ముఖ్యమంత్రి రేవంత్.. విద్య, వైద్య రంగాలకు సంబంధించిన క్షేత్ర పరిస్థితులను అధికారులను అడిగి తెలుసుకున్నారు.