మాట తప్పిన రేవంత్ రెడ్డి.. జర్నలిస్టుల జీవితాలతో చెలగాటం..

Petbasheerabad Land: సీఎం రేవంత్ రెడ్డి మాట తప్పారు. 13 కోట్లు కట్టిన జర్నలిస్టుల జీవితాలతో చెలగాటం ఆడుతున్నారు. పేట్ బషీరాబాద్ సర్వే నెంబర్ 25/2 లో JNJHS కు (జవహర్ లాల్ నెహ్రూ జర్నలిస్ట్ హౌసింగ్ సొసైటీకి) 2008లో కేటాయించిన స్థలాన్ని ప్రభుత్వం ఇటీవలే గురుకుల పాఠశాల నిర్మాణానికి కేటాయించినట్లు బయటపడింది.

పోలీస్ బందోబస్తు నడుమ నిర్మాణాలు!

ఈ స్థలంలో గురుకుల పాఠశాల నిర్మాణానికి కొడంగల్ నుంచి వర్చువల్ గా శంకుస్థాపన కార్యక్రమాన్ని కూడా పూర్తి చేశారు. వెంటనే సంబంధిత అధికారులు పేట్ బషీరాబాద్ స్థలంలో గురుకుల పాఠశాల నిర్మాణానికి పూనుకున్నారు. అయితే, అక్కడున్న ముస్లింలు అడ్డుకున్నారు. ఈ నేపథ్యంలో స్థానిక రెవెన్యూ అధికారులు నిర్మాణాలను సజావుగా జరిపించేందుకు పోలీస్ బందోబస్తు ఇవ్వాలని పోలీసు అధికారులను కోరారు.