సోషల్ మీడియాపై సీఎం రేవంత్ ఫోకస్.. బీఆర్ఎస్‌కు చెక్ పెట్టేలా కాంగ్రెస్ కార్యాచరణ!

ప్రతిపక్ష బీఆర్ఎస్ పార్టీ సోషల్ మీడియాను అత్యంత సమర్థవంతంగా ఉపయోగిస్తోందని, దానికి సరైన రీతిలో చెక్ పెట్టకపోతే ఇబ్బందులు తప్పవని ముఖ్యమంత్రి రేవంత్ రెడ్డి వ్యాఖ్యానించారు. ప్రజాప్రతినిధులు, పార్టీ శ్రేణులు సాంకేతిక పరిజ్ఞానాన్ని ఒడిసిపట్టుకోవాలని, బీఆర్ఎస్ సోషల్ మీడియా ప్రచారాన్ని సమర్థవంతంగా తిప్పికొట్టేలా కాంగ్రెస్ సోషల్ మీడియా విభాగం విస్తృతంగా పనిచేయాలని ఆయన స్పష్టం చేశారు. మంత్రులు, ఎమ్మెల్యేలు, ఎమ్మెల్సీలు, ఎంపీలతో జరిగిన సమావేశంలో సీఎం ఈ మేరకు దిశానిర్దేశం చేశారు.