Cm Revanth: కేసీఆర్ ఖర్చు రూ.22కోట్లు.. వెంటనే రాజీనామా చేయాలి

Cm Revanth Reddy: మాజీ సీఎం, బీఆర్ఎస్ చీఫ్ కేసీఆర్ టార్గెట్ గా సీఎం రేవంత్ రెడ్డి చెలరేగిపోయారు. తెలంగాణలో ప్రతిపక్ష నాయకుడు విఫలం అయ్యారని విమర్శించారు. కాంగ్రెస్ ప్రభుత్వం అధికారంలోకి వచ్చిన ఈ వెయ్యి రోజుల పాలనలో కేసీఆర్ రూ.1.24 కోట్ల జీతం తీసుకున్నారని తెలిపారు. ఇక కేసీఆర్ సెక్యూరిటీ, ఇల్లు, కాపలా, బుల్లెట్ ప్రూఫ్ వాహనాల కోసం ప్రభుత్వం 21 కోట్ల రూపాయలు ఖర్చు చేసిందని సీఎం రేవంత్ వెల్లడించారు. జీతం తీసుకుని ఉద్యోగానికి రాకపోతే ఏం చేయాలి? అని సీఎం రేవంత్ నిలదీశారు. మొత్తంగా 22 కోట్ల 24 లక్షల 40వేల రూపాయల ప్రభుత్వ సొమ్మును కేసీఆర్ మెక్కారని సీఎం రేవంత్ ధ్వజమెత్తారు.