CKalyan: సినీ నిర్మాత సి.కల్యాణ్‌పై కేసు.. ప్లాట్లు కబ్జా చేశారంటూ ఆరోపణలు!

 టాలీవుడ్ ప్రముఖ నిర్మాత సీ.కల్యాణ్‌తో పాటు పలువురు వ్యక్తులపై మాదాపూర్ పోలీసు స్టేషన్‌లో స్థల కబ్జా ఫిర్యాదు నమోదైంది. మాదాపూర్ పరిధిలోని సున్నంచెరువు ప్రాంతంలో ఉన్న తమ ప్లాట్లను నిర్మాత సీ కళ్యాణ్ అక్రమంగా కబ్జా చేశారని సియాట్ (SEAT) సొసైటీ అధ్యక్షుడు శ్యామ్ సింగ్, ప్లాట్ల యజమానులు పోలీసులకు రాతపూర్వకంగా పిటిషన్ సమర్పించారు. గట్ బేగంపేట్‌లోని సర్వేనంబర్లు 12, 12ఎ, 13 పరిధిలో తమకు చెందిన ప్లాట్లు ఉన్నాయని ఈ సందర్భంగా ప్లాట్ యజమానులు వెల్లడించారు.