పౌరసత్వమా, క్రికెట్టా తేల్చుకోండి.. బాంబే హైకోర్టు కీలక వ్యాఖ్యలు!

 భారత సంతతికి చెందిన విదేశీ పౌరసత్వం కలిగిన (OCI) యువ క్రికెటర్లకు బాంబే హైకోర్టు కీలక సూచనలు చేసింది. భారత్‌కు ప్రాతినిధ్యం వహించాలనే బలమైన తపన ఉంటే, ముందుగా భారత పౌరసత్వం (Indian Citizenship) తీసుకోవడంపై దృష్టి పెట్టాలని హితవు పలికింది. బీసీసీఐ (BCCI) నిర్వహించే దేశవాళీ టోర్నమెంట్లలో పాల్గొనాలంటే భారత పాస్‌పోర్ట్ తప్పనిసరి చేస్తూ బోర్డు తీసుకున్న నిర్ణయాన్ని సవాలు చేస్తూ 12మంది ఓసీఐ కార్డు కలిగిన యువ క్రికెటర్లు దాఖలు చేసిన పిటిషన్‌పై విచారణ సందర్భంగా ఉన్నత న్యాయస్థానం ఈ కీలక వ్యాఖ్యలు చేసింది.