‘ఓడినా సంబురాలా..?’ పాక్ క్రికెట్ జట్టుపై వసీం అక్రమ్ ఫైర్!

 ఇంగ్లండ్‌ పర్యటనలో టెస్టు సిరీస్‌ను 3-0 తేడాతో అత్యంత ఘోరంగా ఓడిపోయిన పాకిస్థాన్ క్రికెట్ జట్టు తీరుపై, అభిమానుల వైఖరిపై ఆ దేశ దిగ్గజ ఫాస్ట్ బౌలర్ వసీం అక్రమ్ తీవ్ర ఆగ్రహం వ్యక్తం చేశాడు. వైఫల్యాలను మర్చిపోయి సగటు వ్యక్తిగత ప్రదర్శనలను గొప్పగా వేడుక చేసుకోవడం ఆటగాళ్లలోని, అభిమానులలోని నిరాశాజనకమైన మనస్తత్వానికి అద్దం పడుతోందని ఆయన ఘాటుగా విమర్శించాడు. సిరీస్ ఓడిపోయినప్పుడు సిగ్గుతో ముఖం దాచుకోవాలి తప్ప విమానాశ్రయాల్లో సంబరాలు చేసుకోకూడదని తీవ్ర చురకలంటించాడు.