రెండు టైర్లు పేలి డివైడర్‌ను ఢీకొట్టిన బస్సు.. తప్పిన ముప్పు!

 జాతీయ రహదారి 44(NH44)పై ఓ ప్రైవేట్ ట్రావెల్ బస్సుకు పెను ప్రమాదం తప్పింది. జోగులాంబ గద్వాల జిల్లా ఉండవెల్లి మండలం అలంపూర్ చౌరస్తా ఫ్లైఓవర్‌పై శుక్రవారం ఉదయం ఈ ఘటన చోటుచేసుకుంది. వివరాల్లోకి వెళ్తే.. ప్రొద్దుటూరు నుంచి పీఆర్‌ఎల్‌ (PRL) ట్రావెల్స్ బస్సు సుమారు 36మంది ప్రయాణికులతో హైదరాబాద్‌కు బయల్దేరింది. ఈ క్రమంలో సరిగ్గా అలంపూర్ చౌరస్తా ఫ్లైఓవర్‌పైకి రాగానే బస్సు రెండు టైర్లు ఒక్కసారిగా పేలిపోయాయి.  దీంతో బస్సు అదుపుతప్పి రోడ్డు మధ్యలో ఉన్న డివైడర్‌ను వేగంగా ఢీకొట్టి, అదుపుచేయలేక అవతలి వైపు రోడ్డుపైకి దూసుకెళ్లింది.