brs: కారులో గ్రూపు రాజకీయాలు.. కేటీఆర్ క్లాసులు పనిచేస్తాయా?

brs: గులాబీ గూటిలో ఎప్పటినుంచో సాగుతున్న వర్గపోరు, అంతర్గత కుమ్ములాటలకు ఫుల్‌స్టాప్ పెట్టేందుకు బీఆర్ఎస్ వర్కింగ్ ప్రెసిడెంట్ కేటీఆర్ గట్టిగానే నడుం బిగించారు. ఒకే పార్టీలో ఉంటూ పక్క నియోజకవర్గంలో సొంత పార్టీ అభ్యర్థిని ఓడించేందుకు తెరవెనుక గోతులు తవ్వే పద్ధతికి ఇక కాలం చెల్లిందని నేతలకు తేల్చి చెబుతున్నారు. ఉమ్మడి వరంగల్ జిల్లా నేతలకు పెట్టిన క్లాస్ పార్టీ శ్రేణుల్లో కాస్త చలనం తీసుకురావడంతో, అదే ఫార్ములాను రాష్ట్రవ్యాప్తంగా అమలు చేసేందుకు సిద్ధమవుతున్నారు. అయితే, ఏళ్ల తరబడి వేళ్లూనుకుపోయిన గ్రూపు తగాదాలను కేటీఆర్ ఇచ్చే వార్నింగ్‌లు ఎంతవరకు కట్టడి చేస్తాయన్నదే ఇప్పుడు అసలు ప్రశ్న.