ఢిల్లీకి బయలుదేరిన మంత్రి కొండా

రాష్ట్ర రాజకీయాల్లో మంత్రి కొండా సురేఖ అంశం కొలిక్కి వచ్చినట్టు తెలుస్తోంది. ఆమెకు ఢిల్లీ నుంచి పిలుపురావడంతో హుటాహుటిన బయలుదేరివెళ్లారు. ప్రస్తుతం రాష్ట్రంలో నెలకొన్న పరిస్థితులు, మంత్రి పదవి నుంచి తొలగించాలని క్రమశిక్షణా కమిటీ నివేదిక ఇవ్వడంతో ఆమె సీడబ్ల్యూసీ మెంబర్ కేసీ వేణుగోపాల్ అపాయింట్‌మెంట్ కోరినట్టు సమాచారం. అయితే, ఢిల్లీకి వచ్చి మాట్లాడాలని ఆయన చెప్పడంతో మంత్రి హుటాహుటిన ఢిల్లీకి బయలుదేరినట్టు తెలిసింది. కాగా, ఆమె విజ్ఞప్తిని అధిష్టానం ఆలకిస్తుందా? లేదా?? అనేది తెలియాల్సి ఉంది.