అందుకే.. సెక్యూరిటీ గార్డు పాపను చంపేశాడు..

Bollaram Child: రాష్ట్రంలో సంచలనం రేపిన బొల్లారం కౌకూర్ లో ఐదేళ్ల చిన్నారి అరేలియా మోజెస్ కిడ్నాప్, హత్య కేసుకు సంబంధించి పోలీసులు కీలక విషయాలు వెల్లడించారు. డబ్బు కోసమే సెక్యూరిటీ గార్డు విక్రమ్ కుమార్ చిన్నారిని కిడ్నాప్ చేసి చంపేసినట్లు వెల్లడించారు. పాపను చంపాకే అతడు డబ్బు డిమాండ్ చేశాడని తెలిపారు. చిన్నారిని కిడ్నాప్ చేసి 20లక్షలు డిమాండ్ చేయాలని విక్రమ్ భావించాడని మల్కాజ్ గిరి సీపీ సుమతి తెలిపారు. చిన్న కుటుంబం, ధనిక కుటుంబం కావడంతో డబ్బులు ఇస్తారని విక్రమ్ భావించాడని పేర్కొన్నారు. పాపను చంపి నీటి సంపులో వేశాకే విక్రమ్ కుమార్ డబ్బు కోసం తల్లిదండ్రులకు ఫోన్ చేశాడని వెల్లడించారు.