చీర లాగుతారా? సీఎం రేవంత్ క్షమాపణ చెప్పాలి

DK Aruna: అసెంబ్లీ అవరణలో మాజీ మంత్రులు, బీఆర్ఎస్ ఎమ్మెల్యేలు సబితా ఇంద్రారెడ్డి, సునీత లక్ష్మారెడ్డి పట్ల పోలీసులు వ్యవహరించిన తీరు చాలా హేయమైందని బీజేపీ ఎంపీ డీకే అరుణ అన్నారు. మహిళా శాసనసభ్యులపై ఎవరి ఆదేశాల ప్రకారం పోలీసులు అనుచితంగా ప్రవర్తించారని ఆమె ప్రశ్నించారు. అసెంబ్లీ స్పీకర్ పై బీఆర్ఎస్ ఎమ్మెల్సీలు చేసిన వ్యాఖ్యలు అనుచితంగా ఉన్నాయంటూ వారిపై చర్యలు తీసుకోవాలని సభలో చర్చించారు. అలాగే మహిళా శాసనసభ్యులతో పోలీసులు వ్యవహరించిన తీరుపైనా చర్చ పెట్టాలని రేవంత్ సర్కార్ ను డీకే అరుణ డిమాండ్ చేశారు.