ప్రజా నాయకుడు.. మంత్రి తుమ్మలపై బీజేపీ ఎమ్మెల్యే ప్రశంసల వర్షం

Tummala Nageswara Rao: ప్రస్తుతం రాజకీయాలు భ్రష్టుపట్టిపోయాయన్న విమర్శలు ఎక్కువగా ఉన్నాయి. దీనికి కారణం నాయకులే. నేతలు ఒకరిపై మరొకరు చేసుకుంటున్న విమర్శలు జుగుప్సాకరంగా ఉంటున్నాయి. వ్యక్తిగతంగా విమర్శలు చేసుకోవడమే కాదు బూతులు కూడా తిట్టుకుంటున్నారు. వ్యక్తిత్వ హననానికి పాల్పడుతున్నారు. దీంతో రాజకీయాలన్నా, నాయకులన్నా అసహ్యించుకునే పరిస్థితి ప్రజల్లో ఉంది.

లీడర్లు ప్రత్యర్థి పార్టీ నాయకులను దారుణంగా తిట్టడం కామన్ గా మారింది. ఇలాంటి పరిస్థితుల్లో ఇందుకు పూర్తి భిన్నమైన ఘటన ఒకటి జరిగింది. ఒక పార్టీకి చెందిన నాయకుడు మరో పార్టీకి చెందిన నేతపై ప్రశంసల వర్షం కురిపించారు. నాయకుడు అంటే ఇలా ఉండాలి అంటూ కితాబిచ్చారు. తెలంగాణ అసెంబ్లీ సమావేశాల్లో ఈ అరుదైన ఘటన జరిగింది.