కాంగ్రెస్ పార్టీని మనమంతా నిషేధిత జాబితాలో పెట్టాలి

T BJP: 22ఏ నిషేధిత భూముల జాబితాకు నిరసనగా బీజేపీ మహా ధర్నా నిర్వహించింది. హైదరాబాద్ ఇందిరా పార్క్ ధర్నా చౌక్ వద్ద జరిగిన ఈ మహా ధర్నాలో బీజేపీ ఎంపీలు, ఎమ్మెల్సీలు, ఎమ్మెల్యేలు, సీనియర్ నేతలు పాల్గొన్నారు. రేవంత్ సర్కార్ పై నిప్పులు చెరిగారు. పేదల భూములను నిషేధిత జాబితాలో పెట్టిన కాంగ్రెస్ పార్టీని మనమంతా నిషేధిత జాబితాలో పెట్టాలని బీజేపీ ఎంపీ రఘునందన్ రావు ప్రజలకు పిలుపునిచ్చారు. ఇక, 22ఏలో భూములు ఎందుకు పెట్టారో, రాత్రికి రాత్రే ఎందుకు తొలగించారో చెప్పాలని రేవంత్ సర్కార్ ను డిమాండ్ చేశారు బీజేపీ శాసనసభా పక్ష నేత ఏలేటి మహేశ్వర్ రెడ్డి.