మళ్లీ బర్డ్ ఫ్లూ పంజా.. పౌల్ట్రీ ఫారమ్‌లో 2,500 కోళ్లు మృతి!

 ఆంధ్రప్రదేశ్​లోని అనంతపురం జిల్లాలో బర్డ్ ఫ్లూ (ఏవియన్ ఇన్‌ఫ్లూయెంజా) కలకలం రేపింది. బుక్కరాయసముద్రం మండలం పరిధిలోని సిద్ధరాంపురం గ్రామంలోని ఒక పౌల్ట్రీ ఫారమ్‌లో విడతల వారీగా సుమారు 2,500కోళ్లు మృత్యువాతపడ్డాయి. ఈ ఘటనతో పౌల్ట్రీ నిర్వాహకులు, చుట్టుపక్కల గ్రామాల ప్రజలు తీవ్ర భయాందోళనలకు గురయ్యారు. సిద్ధరాంపురంలో ఇటీవల ఏర్పాటు చేసిన ఈ ఫారానికి ఆదిలాబాద్ జిల్లా నుంచి కోళ్లను తీసుకువచ్చినట్లు అధికారులు గుర్తించారు.