Bio-war: ప్రపంచంలో మరో బయో వార్.. మానవ మనుగడకు ముప్పు మొదలైందా?..

సరిగ్గా కొన్ని ఏళ్ల క్రితం... చైనాలోని ఊహాన్ నగరంలో కరోనా వైరస్ విజృంభిస్తున్న వేళ... అబ్బే మా దగ్గర ఏమీ లేదు, అంతా ప్రశాంతం అంటూ చైనా ప్రపంచాన్ని నమ్మించే ప్రయత్నం చేసింది. కానీ, ఆ మౌనం, ఆ అబద్ధం... చివరికి ప్రపంచ ఆర్థిక వ్యవస్థను కుప్పకూల్చింది. ఇక తాజాగా రష్యాలోని సైబీరియా ప్రాంతంలో ఉన్న ఓ ప్లేగూ పరిశోధనా కేంద్రానికి చెందిన యువ ల్యాబొరేటరీ ఉద్యోగి అనుమానాస్పదంగా న్యుమోనియాతో మరణించడం కలకలం రేపింది. ఆమె పనిచేసిన సంస్థలో ప్లేగూతో పాటు ఇతర ప్రమాదకరమైన అంటువ్యాధులపై పరిశోధనలు జరుగుతుండటంతో.. ఇప్పటికే కరోనా వైరస్ విధ్వంసాన్ని మర్చిపోలేకపోతున్న ప్రపంచానికి తాజా ఘటనపై అనేక అనుమానాలు నెలకొన్నాయి.