TG: హైదరాబాద్‌లో 'భారత్ సమ్మిట్' వేడి.. రాహుల్‌ను టార్గెట్ చేసిన బీజేపీ, బీఆర్ఎస్!

TG: తెలంగాణ ప్రభుత్వం అత్యంత ప్రతిష్టాత్మకంగా నిర్వహిస్తున్న 'భారత్ సమ్మిట్' హైదరాబాద్‌లోని హెచ్‌ఐసీసీ వేదికగా అట్టహాసంగా ప్రారంభమైంది. 70 దేశాల నుంచి వెయ్యి మంది అంతర్జాతీయ ప్రతినిధులు హాజరవుతున్న ఈ సదస్సు, రాష్ట్ర రాజకీయాల్లో ఒక్కసారిగా వేడి రాజేసింది. ఈ సమ్మిట్‌కు ముఖ్య అతిథిగా హాజరవుతున్న లోక్‌సభ ప్రధాన ప్రతిపక్ష నాయకుడు రాహుల్ గాంధీని టార్గెట్ చేస్తూ బీజేపీ, బీఆర్ఎస్ నేతలు తీవ్ర స్థాయిలో విరుచుకుపడ్డారు. ప్రజాధనంతో కాంగ్రెస్ పార్టీ సొంత ప్రచారం చేసుకుంటోందని విపక్షాలు ఆరోపిస్తుండగా, మంత్రులు సైతం అంతే ఘాటుగా బదులిస్తున్నారు.