Bangladesh PM: దుర్గామాత గుడిలో బంగ్లా ప్రధాని పూజలు!

Bangladesh PM: బంగ్లాదేశ్‌లో గత కొంతకాలంగా మైనారిటీలైన హిందువులపై వరుస దాడులు, హత్యలు, ఆస్తుల ధ్వంసం, ఆలయాల విధ్వంసం వంటి ఘటనలు జరుగుతున్న నేపథ్యంలో.. తాజాగా ఆ దేశ ప్రధాని తారిక్ రహ్మాన్ స్వయంగా దుర్గామాత ఆలయానికి వచ్చి ప్రత్యేక పూజలు చేయడం అంతర్జాతీయంగా తీవ్ర ప్రాధాన్యత సంతరించుకుంది. బుధవారం రంగ్‌పూర్‌లోని ప్రసిద్ధ రాధా గోవింద్ ధర్మ సభ ఆలయాన్ని సందర్శించిన ఆయన, అక్కడ కొలువుదీరిన దుర్గామాత పూజా కార్యక్రమాల్లో భక్తిశ్రద్ధలతో పాల్గొన్నారు. ఆలయ ప్రాంగణానికి చేరుకున్న ప్రధానికి ఆలయ పెద్దలు భవతోష్ సర్కార్, ఖోకోన్ సర్కార్ దగ్గరుండి స్వాగతం పలికారు. పూజల అనంతరం ఆలయంలో హాస్టల్ నిర్మాణ పనుల కోసం రూ. 10 లక్షల బంగ్లా టాకాలను తారిక్ రహ్మాన్ విరాళంగా అందజేశారు.