బంగ్లాదేశ్‌లో హిందూ ఫ్యామిలీ హత్య కేసులో సంచలన విషయాలు

Bangladesh Hindu Family: బంగ్లాదేశ్ లో హిందూ ఫ్యామిలీ హత్య కేసు విచారణలో సంచలన విషయాలు వెలుగులోకి వస్తున్నాయి. కుటుంబాన్ని చంపిన దుండగులు ఆ తర్వాత అదే ఇంట్లో ఉండి చేసిన పనులు అందరినీ షాక్ కి గురి చేస్తున్నాయి. కుటుంబాన్ని హత్య చేశాక రాత్రి అదే ఇంట్లోనే గడిపారు. అక్కడే స్నానం చేశారు. ఫ్రిజ్ లో ఉన్న ఆహారం తిన్నారు. అంతేకాదు అక్కడే డ్రగ్స్ కూడా తీసుకున్నారని పోలీసులు గుర్తించారు. వెళ్లిపోయే ముందు ఇంట్లోని వస్తువులు, దుస్తులను చిందరవందరగా పడేసిపోయారు. బంగారు ఆభరణాలు కూడా ఎత్తుకెళ్లారు. ఫోన్లను మాత్రం డిటర్జెంట్ కలిపిన నీటిలో పడేసి ధ్వంసం చేశారని పోలీసులు వెల్లడించారు.