ప్రభుత్వ భూములను అమ్ముకునే రియల్ ఎస్టేట్ ఏజెన్సీ

Harish Rao: కాంగ్రెస్ ప్రభుత్వంపై నిప్పులు చెరిగారు మాజీ మంత్రి హరీశ్ రావు. రేవంత్ సర్కార్ ప్రజా సంక్షేమాన్ని గాలికి వదిలేసిందని ధ్వజమెత్తారు. ఇది ప్రజా ప్రభుత్వం కాదు.. ప్రభుత్వ భూములను అమ్ముకునే రియల్ ఎస్టేట్ ఏజెన్సీ అంటూ విరుచుకుపడ్డారు. అజామాబాద్‌లో 500 కోట్ల విలువైన ప్రభుత్వ 'ఆయిల్‌ఫెడ్' భూమిని కేవలం రూ.87 కోట్లకే ఒక ప్రైవేట్ వ్యక్తికి ధారాదత్తం చేయడం వెనుక ఉన్న మతలబు ఏంటి? అని సీఎం రేవంత్ ను ప్రశ్నించారు హరీశ్ రావు. ఆ డబ్బులు చెల్లించడానికి ఆయిల్‌ ఫెడ్ సంస్థ సిద్ధంగా ఉన్నా కాదని, సుప్రీంకోర్టు తీర్పులను సైతం తుంగలో తొక్కి కారు చౌకగా ప్రైవేట్ పరం చేయడం దారుణం అని విరుచుకుపడ్డారు.