AYUSH: దద్దరిల్లిన ధర్నాచౌక్‌.. AYUSH విద్యార్థుల మహా ధర్నా

AYUSH: తెలంగాణలో AYUSH హౌస్ సర్జన్లు, ఇంటర్న్ లు, పోస్ట్‌ గ్రాడ్యుయేట్ వైద్యుల స్టైపెండ్ పెంపు కోసం తెలంగాణ AYUSH HS & PG Joint Action Committee (AYUSH-JAC) ఆధ్వర్యంలో కొనసాగుతున్న నిరవధిక సమ్మెలో భాగంగా గురువారం ఇందిరాపార్క్‌లోని ధర్నాచౌక్ వద్ద మహా ధర్నా నిర్వహించారు. రాష్ట్రంలోని ప్రభుత్వ AYUSH వైద్య విద్యా సంస్థలకు చెందిన వెయ్యి మందికిపైగా విద్యార్థులు, ఇంటర్న్ లు, హౌస్ సర్జన్లు, PG వైద్యులు ఈ మహా ధర్నాలో పాల్గొని తమ నిరసనను బలంగా వ్యక్తం చేశారు. దాదాపు పదేళ్లుగా స్టైపెండ్ పెంచకపోవడం, AYUSH వైద్య విద్యార్థుల పట్ల కొనసాగుతున్న అసమానత, వివక్షకు నిరసనగా ఈ ధర్నా నిర్వహించారు.