Asiangames: 44ఏళ్ల నిరీక్షణకు తెరదించి.. భారత అథ్లెట్ తిరుగులేని ఘనత!

 జపాన్‌లోని నగోయా వేదికగా జరుగుతున్న ఆసియా క్రీడలు 2026లో భారత అథ్లెట్ సావన్ బర్వాల్ అద్భుత ప్రదర్శనతో చారిత్రక విజయాన్ని నమోదు చేశాడు. పురుషుల మారథాన్ (42.195 కిలోమీటర్లు) విభాగంలో రజత పతకం కైవసం చేసుకుని, ఈ విభాగంలో దాదాపు 44ఏళ్లుగా కొనసాగుతున్న భారత్ పతక నిరీక్షణకు తిరుగులేని తెరదించాడు. జాతీయ రికార్డు హోల్డర్ అయిన సావన్, రేసు ప్రారంభం నుంచే అగ్రశ్రేణి రన్నర్లతో పోటీపడుతూ చివరి వరకు తీవ్రంగా శ్రమించి రెండో స్థానంలో నిలిచి సిల్వర్ మెడల్‌ను సొంతం చేసుకున్నాడు.